...

Fuad Muradov xoşməramlı səfir elan olunub

Cəmiyyət Materials 2 Mart 2015 15:55 (UTC +04:00)
Fuad Muradov BMT Baş Assambleyasının “Ümumdünya QHT-lər Günü” Proqramı tərəfindən xoşməramlı səfir elan olunub.
Fuad Muradov xoşməramlı səfir elan olunub

Azərbaycan, Bakı, 2 mart /Trend/

Milli Məclisin deputatı, "Böyük İpək Yolu" Beynəlxalq Gənclər İttifaqının sədri Fuad Muradov BMT Baş Assambleyasının "Ümumdünya QHT-lər Günü" Proqramı tərəfindən xoşməramlı səfir elan olunub. Beynəlxalq QHT sektorundakı uğurlu fəaliyyəti və fəal mövqeyinə görə deputata bu ad verilib.

Trend-in məlumatına görə, millət vəkili F.Muradov bununla bağlı bildirib ki, artıq dövlətlər, beynəlxalq institutlar QHT-lərin fəaliyyətini tanıyır və onlarla əməkdaşlığa üstünlük verirlər: "Bu, böyük ideyaların reallaşması üçün əhəmiyyətlidir. Ümumi bir məkan yaratmaq, çətinliklərin öhdəsindən gəlmək üçün ideyalar mübadiləsinə ehtiyac var. Ümid edirəm ki, Ümumdunya QHT-lər Günü xüsusi bir platformanın yaranmasına səbəb olacaq və yeni tədbirlər üçün məhsuldar nəticələr əldə olunacaq".

Qeyd edək ki, 27 fevral BMT tərəfindən Ümundunya QHT-lər Günü kimi qeyd olunur. Bu təşəbbüsə 4 il bundan əvvəl imza atılıb. İdeyanın məqsədi QHT-ləri bir yerə toplamaq və gələcəkdə imkanları genişləndirməkdir.

"UN Women Canada"nın prezidenti Almas Jivani, BMT-nin UNOPS layihələri üzrə icraçı direktor Jan Mattsson, Yeni Zelandiyanın keçmiş Baş naziri və UNDP üzrə nümayəndəsi Helen Klark, UNESCO-nun Beynəlxalq əlaqələr və ictimatiyyətlə əlaqələr departamenti direktorunun muavini Erik Falt və s. şəxslər xoşməramlı səfir elan edilib.

"Böyük İpək Yolu" BGİ 2012-ci ildə tarixi ipək yolu üzərində yerləşən 27 ölkənin gəncləri tərəfindən Bakıda təsis olunub. Təşkilatın məqsədi qədim ticarət yolu üzərində yerləşən dövlətlərdə yaşayan gənclərin humanitar və mədəni müstəvidə əməkdaşlıq platformasını yaratmaqdır.

Məqalədə:
Xəbər lenti

Xəbər lenti