Azərbaycan, Bakı, 28 aprel /Trend, Seymur Əliyev/
BMT-nin yaradılmasında əsas məqsədlərdən biri də insan hüquqları əsasında sülh və həmrəyliyə dəstəklə yanaşı, etimadın möhkəmləndirilməsi olub.
Trend-in məlumatına görə, bu barədə YUNESKO-nun baş direktoru İrina Bokova Bakıda keçirilən III Qlobal Açıq Cəmiyyətlər Forumunun iştirakına müraciətində bildirib.
İ.Bokovanın sözlərinə görə, bu gün dünya davamlı çağırışlarla, bir sıra münaqişələrlə üzləşir: "Biz ekstremistlərin hücumlarının, terror aktlarının, tarixdə bir sıra dönüş məqamlarının şahidi olduq. Dəstəklədiyimiz Forumun proqramında da əsas məqsədlər bu problemlərin həll olunmasıdır".
O qeyd edib ki, Forum YUNESKO-nun elan etdiyi multikulturalizm dekadasına başlayır və bu, bir daha təşkilatla Azərbaycan arasındakı tərəfdaşlığı vurğulayır.