Azərbaycan, Bakı, 3 may /Trend/
Birinci Avropa Oyunları ilə əlaqədar bazar günü Dövlət Bayraq Meydanında Bakı Şəhər Baş Polis İdarəsi (BŞBPİ) Bakı Şəhər Dövlət Yol Polis İdarəsinin (BŞDYPİ) şəxsi heyətinin sıra baxışı keçirilib.
Trend-in məlumatına görə, tədbir yol polisləri sırasında nizam-intizam qaydaları gücləndirmək, ictimai asayişin qorunması və xidmət intizamının möhkəmləndirilməsi məqsədi ilə keçirilib.
Sıra baxışı BŞBPİ-nin rəisi polis general-mayoru Mirqafar Seyidov, BŞBPİ-nin rəis müavini polis general-mayoru Səhlab Bağırov, BŞDYPİ-nin rəisi polis polkovniki Nuşirəvan Səfərov tərəfindən həyata keçirilib.
BŞBPİ-nin rəisi M.Seyidovşəxsən sıraları gəzərək şəxsi heyətlə, həmçinin yol polislərinin geyim qaydaları ilə yaxından tanış oldu.
Təntənəli marşın sədaları altında əvvəlcə BŞDYPİ-nin şəxsi heyəti, daha sonra yol patrul avtomobilləri və motosikletləri fəxri tribunanın önündən keçdi.
M.Seyidov sıra baxışını ümumilikdə qənaətbəxş hesab edərək,yol polislərinə öz məsləhət və tövsiyyələrini verdi.