...

Fövqəladə Hallar Nazirliyi poliuretan materialla üzlənmiş binaların mühafizəsini gücləndirib

Cəmiyyət Materials 22 May 2015 20:58 (UTC +04:00)
Fövqəladə Hallar Nazirliyi poliuretan materialla üzlənmiş binaların mühafizəsini gücləndirib.
Fövqəladə Hallar Nazirliyi poliuretan materialla üzlənmiş binaların mühafizəsini gücləndirib

Azərbaycan, Bakı, 22 may /Trend/

Fövqəladə Hallar Nazirliyi (FHN) poliuretan materialla üzlənmiş binaların mühafizəsini gücləndirib.

Trend nazirliyin saytına istinadən məlumat verir ki, Azərbaycan Prezidenti İlham Əliyevin tapşırığına uyğun olaraq, Fövqəladə Hallar Nazirliyi respublikanın şəhər və rayonlarında poliuretan materialla üzlənmiş binaların mühafizəsi istiqamətində təxirəsalınmaz tədbirlər həyata keçirib.

Belə ki, FHN-in Dövlət Yanğın Nəzarəti Xidməti, Dövlət Yanğından Mühafizə Xidməti, Xüsusi Riskli Xilasetmə Xidməti, Tikintidə Təhlükəsizliyə Nəzarət Dövlət Agentliyi və Bakı Regional Mərkəzinin ümumilikdə 460 əməkdaşı hazırda Bakı, Gəncə, Sumqayıt, Mingəçevir, Şabran, Xaçmaz, Qusar, Şəmkir, Qazax, Ağcabədi, Beyləqan, Bərdə, Yevlax, Göyçay, Goranboy, Neftçala, Şirvan, Lənkəran və Astara şəhərləri üzrə poliuretan materialla üzlənmiş cəmi 250-dən artıq binanın ətrafında təhlükəsizliyin təmin edilməsi məqsədilə növbə çəkir.

Bundan əlavə, ölkə üzrə ümumilikdə 43 yanğınsöndürmə avtomobili heyəti ilə həmin binaların mühafizəsinə cəlb olunmaqla fasiləsiz növbə çəkir.

Nazirliyin potensialı imkan verir ki, zərurət yarandıqda bu məqsədlə ayrılan şəxsi heyət və texnikanın sayı artırılsın.

Məqalədə:
Xəbər lenti

Xəbər lenti