Azərbaycan, Bakı, 25 may /Trend, müxbir Elçin Mehdiyev/
Bəzi kütləvi informasiya vasitələrində Azərbaycan Respublikası Dövlət Neft Şirkətinin (SOCAR) əməkdaşı olduğu bildirilən Kamal Eynullayevin qızı Elnarə Eynullayevanın ABŞ senatorunun qadın müşaviri ilə evlənməsi barədə yayılan məlumatlara aydınlıq gətirilib.
SOCAR-dan Trend-ə verilən məlumatda şirkətin bu adda işçisinin olmadığı bildirilib: "Bəzi kütləvi informasiya vasitələrində yayılmış məlumatla əlaqədar bildiririk ki, SOCAR-ın strukturuna daxil olan müəssisələrdə Kamal Eynullayev və yaxud Kamal Eynulla adında bir şəxs işləmir".