Azərbaycan, Bakı, 27 may /Trend, müxbir İlkin İzzət/
28 May - Respublika Günü münasibəti ilə paytaxt Bakıda bayram şənlikləri keçiriləcək. Bu barədə Trend-ə Bakı Şəhər İcra Hakimiyyətindən verilən məlumatda bildirilir.
Məlumatda qeyd edilir: "Əziz bakılılar və hörmətli qonaqlar!
Bakı Şəhər İcra Hakimiyyəti Sizi 28 May - Respublika Günü münasibəti ilə təbrik edir, keçiriləcək bayram konsertinə və möhtəşəm atəşfəşanlığı seyr etməyə dəvət edir.
Mayın 28-də Milli Parkın ərazisində Saat Qülləsinin yanında incəsənət ustalarının iştirakı ilə təşkil olunan konsert saat 21.00-da başlayacaq və saat 23.00-da möhtəşəm atəşfəşanlıq olacaq.
Bakı Şəhər İcra Hakimiyyəti Sizi bayram şənliklərinə dəvət edir".