Azərbaycan, Bakı, 29 may /Trend, müxbir İlhamə İsabalayeva/
Azərbaycan və Argentina arasında turizm sahəsində əməkdaşlıq sazişi imzalanıb.
Mədəniyyət və Turizm Nazirliyindən Trend-ə verilən məlumata görə, mədəniyyət və turizm naziri Əbülfəs Qarayev Birləşmiş Millətlərin Ümumdünya Turizm Təşkilatının İcraiyyə Şurasının 100-cü iclasında iştirak etmək üçün Xorvatiyada səfərdədir.
Səfər çərçivəsində mədəniyyət və turizm naziri Ə.Qarayev argentinalı həmkarı ilə görüşüb. Görüşdə iki ölkə arasında turizm sahəsində əməkdaşlığın perspektivləri müzakirə edilib. Səfər çərçivəsində Azərbaycan və Argentina arasında turizm sahəsində əməkdaşlıq sazişi imzalanıb.