Azərbaycan, Bakı, 29 may /Trend, müxbir İlhamə İsabalayeva/
Azərbaycan Təhsil Nazirliyi dərslik hazırlamaq və qiymətləndirmək istəyənlər üçün təlimlər keçirəcək.
Təhsil Nazirliyindən Trend-ə verilən məlumata görə, Xəzər Universiteti nazirliyin sifarişi ilə ümumtəhsil pilləsində fənn kurikulumlarına uyğun dərsliklərin hazırlanması və qiymətləndirilməsi üzrə təlimdə iştirak etmək istəyənlər üçün müraciətlərin qəbulunu elan edir.
Təlimlər ictimai-humanitar fənlər, təbiət-riyaziyyat fənləri, incəsənət və texnologiya fənləri üzrə dərsliklərin hazırlanması və qiymətləndirilməsi istiqamətində 10 gün müddətində keçiriləcək.
Təlimlərin oktyabr-noyabr aylarında təşkili nəzərdə tutulur.