Azərbaycan, Bakı, 29 iyul /Trend/
Müdafiə Nazirliyi Baş Hərbi İnspeksiyasının əməkdaşları haqqında yayılan xəbərlərlə bağlı bildirir ki, inspeksiyanın əməkdaşları hərbi xidmət vəzifələrinin icrası zamanı yol verdikləri ciddi qanun pozuntularına görə Nazirliyin rəhbərliyinin göstərişi əsasında araşdırma aparılıb və toplanılan materiallar qanunamüvafiq tədbir görülməsi üçün Baş Prokurorluğa göndərilib.
Nazirliyin mətbuat xidmətindən Trend-ə verilən məlumata görə, həmin materiallar əsasında Baş Prokuror yanında Korrupsiyaya qarşı Mübarizə Baş İdarəsi tərəfindən cinayət işi başlanılıb və hazırda istintaq aparılır.
Azərbaycan Respublikası Prezidenti, Ali Baş Komandanın qeyd etdiyi kimi tutduğu vəzifədən, keçmiş xidmətlərindən asılı olmayaraq xidmət dövründə yol verdiyi qanun pozuntularına görə hər kəs qanun qarşısında məsuliyyət daşıyır.