Bakı. Elçin Mehdiyev - Trend:
İdxal olunan dərmanların əlavə dəyər vergisindən (ƏDV) azad olunmaması ölkədə dərman qıtlığı yarada bilər. Trend-in məlumatına görə, bunu millət vəkili Kəmaləddin Qafarov Milli Məclisin Səhiyyə komitəsinin bu gün keçirilən iclasında çıxışı zaman deyib.
Deputat bildirib ki, 2000-ci illərin əvvəllərində idxal olunan dərmanlar ƏDV-dən azad edildiyi halda, ötən ilin payızında parlamentdə Vergilər Məcəlləsində düzəlişə uyğun olaraq idxal olunan dərmanlar yenidən ƏDV-yə cəlb edilib.
O, əlavə edib ki, hazırda ölkədə dərman qıtlığı yoxdur: "Amma bu düzəliş aradan qaldırılmazsa, yəni idxal olunan dərmanlar ƏDV-dən azad edilməzsə, ölkədə dərman qıtlığı yarana bilər".