Bakı. Trend:
Londonda yaşayan azərbaycanlılar, eləcə də burada təhsil alan azərbaycanlı tələbələr Ermənistanın Böyük Britaniyadakı səfirliyi qarşısında etiraz aksiyası keçiriblər.
Trend-in məlumatına görə, əllərində Azərbaycan bayraqları tutan aksiya iştirakçıları Ermənistan qoşunlarının Azərbaycanın işğal olunmuş ərazilərindən çıxarılmasını, Ermənistan rəhbərliyindən təxribatçı siyasətinə son qoymasını tələb ediblər.
Həmçinin qeyd olunub ki, son günlər cəbhə xəttində yaranan gərginliyə görə bütün məsuliyyət Ermənistanın üzərinə düşür.
