Bakı. İlhamə İsabalayeva - Trend:
Azərbaycan Milli Elmlər Akademiyasının 1700 hektar torpağı ermənilərin işğalı altındadır.
Trend-in məlumatına görə, bunu Azərbaycan Milli Elmlər Akademiyasının prezidenti, akademik Akif Əlizadə AMEA-nın illik ümumi yığıncağında çıxışı zamanı deyib.
Akademiya prezidenti qeyd edib ki, AMEA-nın ümumilikdə 4 min hektar torpaq sahəsi var: "Onun 1700 hektarı işğal altındadır. Amma qalan 2300-ə yaxın hektar torpaq akademiya tərəfindən istifadə edilir. Akademiya öz qüvvəsi ilə həmin torpaq sahələrində xüsusi əkin sistemi yaradır və biz burada bununla müəyyən eksperiment həyata keçirmək istəyirik".