...

Marafon ikincisi: Bakı Marafonu əla təşkil edilib

Cəmiyyət Materials 1 May 2016 12:11 (UTC +04:00)
Bakı Marafonu əla təşkil edilib.
Marafon ikincisi: Bakı Marafonu əla təşkil edilib

Bakı. Vüqar İmanov - Trend:

Bakı Marafonu əla təşkil edilib. Bunu Trend-ə marafonda finişə ikinci gəlmiş Gürcüstan vətəndaşı, Tbilisidən olan idmançı Georgi Domeniya deyib.

O bildirib: "İlk dəfədir Azərbaycandayam və görürəm ki, Bakı gözəl şəhərdir".

G.Domeniyanın sözlərinə görə, 35 yaşı var və daha əvvəl Tbilisidə marafona qatılıb.

Qeyd edək ki, bu gün Heydər Əliyev Fondunun təşəbbüsü ilə təşkil olunan Bakı Marafonu 2016-ya start verilib.

Dövlət Bayrağı Meydanından start götürən marafon 21 kilometrdir və Bakı Olimpiya Stadionunda başa çatacaq. 21 km-lik məsafənin qət edilməsinə maksimum 4 saat 30 dəqiqə vaxt verilib.

Xeyriyyə məqsədi daşıyan tədbirə ümumilikdə 7000-dən çox iştirakçı qatılıb. Marafona Azərbaycan vətəndaşları ilə yanaşı, ölkəmizdə yaşayıb-çalışan 500-dək əcnəbi qoşulub.

Marafon saat 10:00-da başlayıb.

Marafonun əsas məqsədi Azərbaycanda idmanın inkişafına dəstək göstərmək, insanlar arasında, xüsusilə gənclərdə sağlam həyat tərzini təşviq etmək, onları xeyirxah məqsədlər naminə bir araya gətirməkdir.

Bakı Marafonundan toplanan vəsait Heydər Əliyev Fondunun valideyn himayəsindən məhrum olmuş uşaqlarla bağlı layihəsinə yönəldiləcək.

Məqalədə:
Xəbər lenti

Xəbər lenti