Bakı.Trend:
Professor, millət vəkili Musa Qasımlı dünyanın ona yaxın ölkəsindən tarixçi-alimlərin iştirakı ilə İstanbul Universitetində keçirilən beynəlxalq elmi simpoziumda "Says-Piko sazişi imzalandıqdan sonra erməni təşkilatlarının fəaliyyətlərinə Antanta ölkələrinin və Osmanlı dövlətinin münasibəti (1916-cı il may - 1917-ci il fevral)", Bitlis Eren Universitetində keçirilən beynəlxalq elmi simpoziumda iştirak edib.
Trend-in məlumatına görə, M.Qasımlı "Türkiyənin Avropa İttifaqına üzv olmaq üçün müraciət etməsi və SSRİ-nin uydurma erməni soyqırımı məsələsini gündəliyə gətirməsi (sovet mənbələri əsasında)" mövzularında məruzələr edib və bir iclasda sədr olub. Maraqla qarşılanan məruzələr ətrafında geniş müzakirələr aparılıb.