Bakı. Maksim Tsurkov – Trend:
Bakıdakı Milli Gimnastika Arenasına əla tamaşaçılar toplaşıb. Trend-in məlumatına görə, bunu jurnalistlərə amerikalı gimnast Kamilla Fili deyib.
O bildirib: “Burada əla tamaşaçılar, gözəl zal var. Bakıda çıxış etmək çox xoşuma gəldi”.
Çıxışını şərh edən gimnast deyib ki, yeni səviyyəyə yüksələ bilib: “Bacardığımı etdim. Hərçənd başlanğıcda bir az həyacanlanırdı. Ümumilikdə, fikrimcə, yaxşı çıxış etdim”.
Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparır. Dünya Kubokunun son günündə ayrı-ayrı növlər üzrə finallar keçiriləcək.