Bakı. Samir Əli - Trend:
Bu ilin 7 ayı ərzində Azərbaycanın 125 yaşayış məntəqəsi mavi qaz yanacağı ilə təmin edilib.
Bu barədə Trend-ə "Azəriqaz" İstehsalat Birliyinin (İB) mətbuat xidmətinin əməkdaşı İbrahim Kəlbəliyev məlumat verib.
Onun sözlərinə görə, həmin məntəqələr "Azəriqaz" İB tərəfindən qazlaşdırılaraq mavi yanacaqla təmin olunub: "Hazırda bölgələrin qazlaşdırılması işləri davam etdirilir. Yaxın günlərdə tikintisi başa çatmış yaşayış məntəqələrinə də tərəfimizdən ardıcıllıqla mavi yanacağın verilməsi təmin ediləcək".