...

Uşaqlar daha çox hansı xəstəliklərdən əziyyət çəkirlər?

Cəmiyyət Materials 1 Sentyabr 2016 11:11 (UTC +04:00)
Səhiyyə Nazirliyinin Uşaq Bərpa Müalicə Mərkəzində (UBMM) müalicə alan uşaqların 40%-i sinir sistemi, 30%-i dayaq-hərəkət sistemi, 20%-i yuxarı və aşağı tənəffüs sistemi xəstəliklərindən, 10%-i müxtəlif xəstəliklərdən əziyyət çəkirlər.
Uşaqlar daha çox hansı xəstəliklərdən əziyyət çəkirlər?

Bakı. İlhamə İsabalayeva - Trend:

Səhiyyə Nazirliyinin Uşaq Bərpa Müalicə Mərkəzində (UBMM) müalicə alan uşaqların 40%-i sinir sistemi, 30%-i dayaq-hərəkət sistemi, 20%-i yuxarı və aşağı tənəffüs sistemi xəstəliklərindən, 10%-i müxtəlif xəstəliklərdən əziyyət çəkirlər.

Səhiyyə Nazirliyinin mətbuat xidmətindən Trend-ə verilən məlumata görə, mərkəzdə bərpa müalicəsinə ehtiyacı olan 18 yaşına kimi uşaqlar çoxprofilli, yüksək dərəcəli ixtisaslaşdırılmış müalicə kursu keçirlər. Xəstələr mərkəzə sahə poliklinikaları tərəfindən göndərilirlər.

2015-ci ildə Mərkəzə (ilk dəfə müraciət etmiş) 98 xəstə daxil olduğu halda, 2016-cı ilin ilk 6 ayı ərzində bu göstərici 88 xəstə olub.

2015-ci ilin ilk 6 ayı ərzində UBMM-ə ümumi gəlişlərin (ilk və növbəti gəliş) sayı 19661 təşkil edirdisə, 2016-cı ilin 6 ayı ərzində bu rəqəm 20612-yə çatıb.

UBMM-ə daxil olmuş xəstələr Mərkəzdə qeydiyyata götürülür və hər iki aydan bir müalicə kursu keçirlər.

Səhiyyə Nazirliyinin 2014-2020-ci illər üzrə Strateji Planına əsasən, uşaqlıq dövrünə xas olan əlilliyin profilaktikası və müalicəsi sahəsində aparılan işlər sayəsində UBMM–yə müraciət edən 1 yaşına qədər uşaqların sayının əvvəlki ilə nisbətdə 40% artması müşahidə olunur.

Məqalədə:
Xəbər lenti

Xəbər lenti