...

Bakı Metropoliteni 6 yaşlı sərnişinlərə sürpriz etdi (FOTO)

Cəmiyyət Materials 15 Sentyabr 2016 13:17 (UTC +04:00)
"Bakı Metropoliteni" Qapalı Səhmdar Cəmiyyəti 15 sentyabr-Bilik Günü ilə əlaqədar daha bir sosial layihə həyata keçirib.
Bakı Metropoliteni 6 yaşlı sərnişinlərə sürpriz etdi (FOTO)

Bakı. Samir Əli - Trend:

"Bakı Metropoliteni" Qapalı Səhmdar Cəmiyyəti 15 sentyabr-Bilik Günü ilə əlaqədar daha bir sosial layihə həyata keçirib.

Trend-in məlumatına görə, bu gün metronun "Elmlər Akademiyasının təmirdən sonra istifadəyə verilən əsas çıxışında bu münasibətlə tədbir keçirilib. Tədbirdə metropoliten işçiləri birinci sinifə qədəm qoyan şagirdləri qarşılayıb və onlara sürpriz hazırlayıb. Belə ki, metropoliten işçiləri "Elmlər Akademiyası" stansiyasından istifadə edən birincilərə hazırladıqları sualları veriblər. Suallar tapmacalar, metro stansiyaları və Azərbaycanın şifahi xalq ədəbiyyatı haqqında olub. Sualların cavabını tapan balaca sərnişinlərə metropoliten əməkdaşları hədiyyələr təqdim ediblər.

"Bakı Metropoliteni" Qapalı Səhmdar Cəmiyyətinini mətbuat xidmətinin rəhbəri Nəsimi Paşayev bildirib ki, tədbir günün sonuna qədər davam edəcək. Gün ərzində stansiyadan istifadə edən 1-ci sinif şagirdlərini metropoliten əməkdaşları qarşılayacaq, onları bilik günü münasibətilə təbrik edəcək və balaca sərnişinlərə hədiyyələr verəcək.

Məqalədə:
Xəbər lenti

Xəbər lenti