...

Lənkəranda 93 nüsxə dini ədəbiyyat müsadirə olunub

Cəmiyyət Materials 11 Noyabr 2016 18:10 (UTC +04:00)
Lənkəranda Daxili İşlər Nazirliyi və Dini Qurumlarla İş üzrə Dövlət Komitəsi birgə reyd keçirib.
Lənkəranda 93 nüsxə dini ədəbiyyat müsadirə olunub

Bakı. Trend:

Bu gün Daxili İşlər Nazirliyi və Dini Qurumlarla İş üzrə Dövlət Komitəsi (DQİDK) Lənkəran şəhərində dini ədəbiyyatların satışı ilə məşğul olan 3 mağazada müvafiq reydlər keçiriblər.

DQİDK-nın mətbuat xidmətindən Trend-ə verilən məlumata görə, keçirilən reydlər zamanı hər 3 mağazanın dini ədəbiyyatların satışını həyata keçirmək üçün DQİDK-dan razılıq əldə etmədikləri müəyyən olunub.

Reyd keçirilmiş mağazaların ikisindən ümumilikdə müvafiq razılığı olmayan 93 nüsxə dini təyinatlı ədəbiyyat aşkarlanaraq müsadirə edilib. Hər iki mağaza barəsində qanunamüvafiq qaydada protokol tərtib olunub. Digər mağaza sahibinə isə şifahi xəbərdarlıq edilib.
Mağaza sahibləri ilə müvafiq profilaktik söhbətlər aparılıb.

Bu istiqamətdə müvafiq araşdırmalar davam etdirilir.

Məqalədə:
Xəbər lenti

Xəbər lenti