...

AİDS-lə Beynəlxalq Mübarizə günü ilə bağlı könüllü müayinələr keçirilib (FOTO)

Cəmiyyət Materials 1 Dekabr 2016 16:33 (UTC +04:00)
Bakı Şəhər Mədəniyyət və Turizm Baş İdarəsinin təşkilatçılığı ilə 1 dekabr- AİDS-lə Beynəlxalq Mübarizə gününə həsr olunmuş tədbir keçirilib.
AİDS-lə Beynəlxalq Mübarizə günü ilə bağlı könüllü müayinələr keçirilib (FOTO)

Bakı. Trend:

Noyabrın 30-da Bakı Şəhər Mədəniyyət və Turizm Baş İdarəsinin təşkilatçılığı ilə M.Ə.Sabir adına Bülbülə qəsəbə Mədəniyyət evi Suraxanı rayon Gənclər evində 1 dekabr - AİDS-lə Beynəlxalq Mübarizə gününə həsr olunmuş tədbir keçirib.

İdarədən Trend-ə verilən məlumata görə, ilk öncə tədbir iştirakçılarına maarifləndirici bukletlər paylanılıb. Sonra QİÇS-lə Mübarizə Mərkəzinin bir qrup həkim heyəti könüllüləri tibbi müayinədən keçirib.

Tədbir zamanı Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının nümayəndəsi Eldar Sadıqov, İctimai Səhiyyə və İslahatlar Mərkəzinin nümayəndəsi Səfədə Tağıyeva, Bakı Şəhər Gənclər və İdman Baş İdarəsinin sektor müdiri Zamin Əhmədov, Suraxanı rayon İcra Hakimiyyətinin şöbə müdiri Barxudarov Barxudar, QİÇS-lə Mübarizə Mərkəzinin həkimi Ziyad Nəsibov çıxış edərək cəmiyyətimizdə, ictimaiyyətdə bu bəlaya düçar olmuş insanlara biganə qalmamağı tövsiyyə ediblər.

Sonra “Dilbərim” rəqs qrupu, müğənnilər Aynurə Əbilova, Mədinə Əsgərova, Esmira İsmayıl qızı, Mirəli Cavadov və Bayram Ağamalıyev musiqi nömrələri ilə çıxış edərək tədbirə xüsusi rəng qatıblar.

Məqalədə:
Xəbər lenti

Xəbər lenti