...

Səyyar ASAN xidmət Siyəzən, Tovuz və Ələtdə

Cəmiyyət Materials 5 Dekabr 2016 16:54 (UTC +04:00)
Səyyar ASAN xidmət 5-19 dekabrda Siyəzən rayonunda, 5-24 dekabrda Tovuz şəhərində, 5-14 dekabrda isə Qaradağ rayonunun Ələt qəsəbəsində vətəndaşlara səyyar formada xidmət göstərəcək.
Səyyar ASAN xidmət Siyəzən, Tovuz  və Ələtdə

Bakı. Trend:

Səyyar ASAN xidmət 5-19 dekabrda Siyəzən rayonunda, 5-24 dekabrda Tovuz şəhərində, 5-14 dekabrda isə Qaradağ rayonunun Ələt qəsəbəsində vətəndaşlara səyyar formada xidmət göstərəcək.

Dövlət Agentliyinin İnformasiya təminatı şöbəsindən Trend-ə verilən məlumata görə, bundan başqa, Səyyar ASAN xidmət avtobusları 14 noyabr - 13 dekabr Astarada, 7 noyabr - 6 dekabr Şamaxı və Yevlaxda, 25 noyabr - 9 dekabr Göygöldə, 29 noyabr - 28 dekabr Qubada, 2 - 16 dekabr Saatlıda vətəndaşların xidmətində olacaqlar.

Səyyar şəkildə göstərilən xidmətlər Ədliyyə Nazirliyi, Daxili İşlər Nazirliyi, Əmək və Əhalinin Sosial Müdafiəsi Nazirliyi və Əmlak Məsələləri Dövlət Komitəsi tərəfindən təqdim olunur.

Bu xidmətlərə aşağıdakılar daxildir:
Notariat fəaliyyəti;
Vətəndaşlıq vəziyyəti aktlarının dövlət qeydiyyatı;
Şəxsiyyət vəsiqələrinin verilməsi və dəyişdirilməsi;
Ümumvətəndaş pasportlarının verilməsi və dəyişdirilməsi;
Sürücülük vəsiqələrinin dəyişdirilməsi;
Əmək pensiyalarının təyin edilməsi;
Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;
Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;
Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Səyyar ASAN xidmətin həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.

Məqalədə:
Xəbər lenti

Xəbər lenti