...

BANM tələbəsinin "Qarabağ İncisi" videoçarx müsabiqəsi başa çatıb (FOTO)

Cəmiyyət Materials 5 Yanvar 2017 12:28 (UTC +04:00)
BANM tələbəsinin "Qarabağ İncisi" videoçarx müsabiqəsi layihəsi başa çatıb.
BANM tələbəsinin "Qarabağ İncisi" videoçarx müsabiqəsi başa çatıb (FOTO)

Bakı. Trend:

Bakı Ali Neft Məktəbinin (BANM) “Kİmya mühəndisliyi” ixtisası üzrə V kursda təhsil alan tələbəsi Ruslan Hacıyevin “Qarabağ İncisi” videoçarx müsabiqəsi layihəsi Azərbaycan Respublikasının Prezidenti yanında Gənclər Fondunun 8-ci qrant müsabiqəsinin qalibi olub və layihənin icrası uğurla başa çatıb.

Bu barədə Trend-ə BANM-in İctimaiyyətlə əlaqələr şöbəsindən məlumat verilib.

Layihənin əsas məqsədi gənclərin Qarabağ mədəniyyətini öyrənməsi və bu istiqamətdə videoçarxlar hazırlayaraq daha çox gəncin maariflənməsinə şərait yaratmaqdır. Layihə çərçivəsində Azərbaycanın müxtəlif universitetlərində təhsil alan tələbələr peşəkar təlimçilərin dəstəyi ilə Qarabağın adət-ənənələri, tarixi abidələri, mədəniyyətini öyrənmiş, bu istiqametdə fikir mübadiləsi aparmişlar. İştirakçılar kamandalara ayrılıb və hər bir kamandaya Qarabağ mədəniyyətini əks etirən videoçarx hazırlaması üçün 1 həftə vaxt verilib. Layihənin sonunda bu videoçarxların izlənilməsi və qiymətləndirilməsi həyata keçirilib. Qalib komandanın üzvlərinə dəyərli hədiyyələr və fərqlənmə diplomu təqdim olunub.

Xatırladaq ki, layihə Azərbaycan Respublikasının Prezidenti yanında Gənclər Fondunun maliyyə dəstəyi və Bakı Ali Neft Məktəbi Tələbə Gənclər Təşkilatının (TGT) təşkilati dəstəyilə həyata keçirilib.

Məqalədə:
Xəbər lenti

Xəbər lenti