Bakı. İlhamə İsabalayeva - Trend:
Azərbaycan Milli Elmlər Akademiyası (AMEA) akademik Ə.Quliyev adına Aşqarlar Kimyası İnstitutunda yeni sürtkü yağları yaradılıb.
İnstitutdan Trend-ə verilən məlumata görə, institutun rəhbərliyi ilə AMEA-nın Təcrübə-Sənaye Zavodunun nümayəndələri arasında görüşdə istehsalı nəzərdə tutulan yeni yaradılmış sürtkü yağlarının və sürtkülərin sınaq nəticələri müzakirə olunub.
Aşqarlar Kimyası İnstitutunun direktoru, akademik Vaqif Fərzəliyev Təcrübə-Sənaye Zavodu ilə əməkdaşlığın bu istiqamətdə fəaliyyətin daha da genişləndirilməsinə mühüm töhfə verəcəyini vurğulayıb.
Qeyd edək ki, iki qurum bir müddətdir respublikanın sürtkü materiallarına olan tələbatının ödənilməsi istiqamətində əməkdaşlıq edir.