...

"PAŞA Həyat" BDU tələbələrini mükafatlandırıb (FOTO)

Cəmiyyət Materials 17 Yanvar 2017 14:52 (UTC +04:00)
“PAŞA Həyat” şirkəti Bakı Dövlət Universitetinin jurnalistika fakultəsinin tələbələri üçün “Azərbaycanda həyat sığortası” mövzusunda elan etdiyi yazı müsabiqəsinin nəticələrini açıqlayıb.
"PAŞA Həyat" BDU tələbələrini mükafatlandırıb  (FOTO)

Bakı. Trend:

“PAŞA Həyat” şirkəti Bakı Dövlət Universitetinin jurnalistika fakultəsinin tələbələri üçün “Azərbaycanda həyat sığortası” mövzusunda elan etdiyi yazı müsabiqəsinin nəticələrini açıqlayıb.

Şirkətin İctimaiyyətlə əlaqələr xidmətindən Trend-ə verilən məlumata görə, müsabiqənin yekunlarına həsr olunmuş tədbiri giriş sözü ilə açan “PAŞA Həyat” sığorta şirkətinin əməkdaşı Elnur Hüseynquluyev müsabiqənin nəticələri ilə bağlı geniş məlumat verib.

“Müsabiqəyə ötən ilin noyabr ayının 23-dən start verilib və yekun olaraq müsabiqəyə tələbələr tərəfindən 23 yazı təqdim olunub. Həyat sığortasının spesifik sahə olmasına baxmayaraq, tələbələrin təqdim etdiyi məqalələr sırasında həyat sığortasının mahiyyəti, həyat sığortasının vacibliyini, eləcədə həyat sığortasının əsas üstünlüklərini özündə əks etdirən maraqlı yazılar olub. Müsabiqədə yer tutumuş məqalələr “PAŞA Həyat” və BDU-nun əməkdaşlarından ibarət münsiflər heyətinin üzvlərinin apardıqları qiymətləndirmə nəticəsində müəyyənləşib. Artıq biz bu gün həmin qaliblərin adlarını elan edərək onları mükafatladıracağıq. Ümid edirəm ki, “PAŞA Həyat” şirkətinin BDU ilə əməkdaşlığı bununla bitməyəcək, yeni layihələr üzərində işləyərək gəlcəkdə BDU ilə əməkdaşlığımızı daha da gücləndirəcəyik” - deyə E.Hüseynquluyev qeyd edib.

Tədbirdə çıxış edən BDU-nun jurnalistika fakultəsinin dekanı Cahangir Məmmədli “PAŞA Həyat” şirkəti tərəfindən həyata keçirilən yazı müsabiqəsi layihəsini yüksək qiymətləndirərək gələcəkdə BDU ilə bu cür layihələrin davamlı olmasına əminliyini bildirib. C.Məmmədli sözlərinə görə, bu müsabiqənin keçirilməsi jurnalistika fakulətəsinin tələbələrinin həyat sığortası sahəsində geniş maariflənməsi ilə yanaşı onların gələcək işlərinə də böyük təsiri olacaq.

Sonra müsabiqədə yer tutmuş tələbələrin mükafatladırılmasına başlanılıb. Münsiflər heyəti üzvlərinin yekun qərarı ilə 70 balla I yerin qalibi Rizvan Fikrətoğlu, 68 balla II yerin qalibi Ulucay Akif və 64 balla III yerin qalibi Həşim Səhrablı elan olunub. “PAŞA Həyat” tərəfindən I yerin qalibinə 500 AZN, II yerin qalibinə 300 AZN və III yerin qalibinə isə 200 AZN pul mükafatı və hədiyyələr təqdim olunub.

Qeyd edək ki, mükafatlandırma mərasimində “PAŞA Həyat” sığorta şirkətinin maarifləndirmə şöbəsinin müdiri Pərviz Quliyev, BDU-nun jurnalistika fakultəsinin tədris işləri üzrə dekan müavini Könül Niftəliyeva, BDU-nun mətbuat və informasiya şöbəsinin müdiri Pərvanə İbrahimova və digər şəxslər iştrak edib.

Məqalədə:
Xəbər lenti

Xəbər lenti