...

Qənirə Paşayevanın “Vatan kokusu” kitabının təqdimatı olub (FOTO)

Cəmiyyət Materials 17 Fevral 2017 20:25 (UTC +04:00)
Muğla Universitetində Qənirə Paşayevanın “Vatan kokusu” kitabının imza mərasimi olub.
Qənirə Paşayevanın “Vatan kokusu” kitabının təqdimatı olub (FOTO)

Bakı. Trend:

Muğla Universitetində Qənirə Paşayevanın “Vatan kokusu” kitabının imza mərasimi olub.

Muğla valisi, bələdiyyə sədrinin müavini, Muğla Sıtkı Kocaman Universitetinin rektoru, universitetin alimlərinin, tələbələrin, QHT və KİV rəsmilərinin iştirakı ilə keçirilən təqdimat və imza mərasimində türk millətinin gənc nəsilləri üçün kitabın önəmi xüsusi vurğulanıb.

İmza mərasimində iştirak edənlərə və təşkilatçılara təşəkkürünü bildirən millət vəkili Q.Paşayeva Axısxa türklərinin öz vətənlərindən sürgününü qələmə aldığı “Vatan kokusu” kitabı barədə məlumat verib və gənclərin iştirakı ilə imza mərasiminin keçirilməsinin əhəmiyyətini xüsusi vurğulayıb.

Dağıq Qarabağ, Axısxa, Krım, Kərkük, Türkməndağından danışan millət vəkili Q.Paşayeva gəncləri ortaq tariximizi yaxşı oxumağa, öyrənməyə çağırıb. O bildirib ki, dünyanın harasında doğulub, yaşamasından asılı olmayaraq hər bir türk ortaq tarixmizi yaxşı bilməli və bütün məsələlərdə bir-birimizə daha çox dəstək verməlidir.

Xəbər lenti

Xəbər lenti