...

Marina Nekrasova: Şadam ki, Bakıda Dünya Kubokunda bürünc medal qazandım

Cəmiyyət Materials 19 Mart 2017 15:27 (UTC +04:00)
Şadam ki, Bakıda keçirilən idman gimnastikası üzrə Dünya Kubokunda bürünc medal qazandım.
Marina Nekrasova: Şadam ki, Bakıda Dünya Kubokunda bürünc medal qazandım

Bakı. Ləman Zeynalova - Trend:

Şadam ki, Bakıda keçirilən idman gimnastikası üzrə Dünya Kubokunda bürünc medal qazandım.

Trend-in məlumatına görə, bunu jurnalistlərə azərbaycanlı gimnast Marina Nekrasova deyib.

M.Nekrasova qadınlar arasında sərbəst hərəkətlərdə bürünc medal qazanıb.

Azərbaycanlı idmançı deyib: “Mən hərəkəti maksimum yerinə yetirdim. Tir üzərində hərəkətlərdə isə bir qədər həyəcanlandım. Hərəkəti daha yaxşı yerinə yetirə bilərdim”.

Gimnast planlarıdnan danışaraq qeyd edib ki, o, idman gimnastikası üzrə Avropa çempionatına hazırlaşacaq.

Qeyd edək ki, Bakıda Milli Gimnastika arenasında idman gimnastikası üzrə Dünya Kubokunda ayrı-ayrı növlər üzrə final yarışlarının ikinci günü başlayıb.

Bu gün kişilər arasında dayaqla tullanmada, gimnastika atı üzərində və turnik üzərində hərəkətlərdə, qadınlar arasında isə tir üzərində və sərbəst hərəkətlərdə final keçirilir.

Azərbaycanı bu gün qadınlar arasında tir üzərində və sərbəst hərəkətlərdə Marina Nekrasova, təmsil edir.

Bu gün ümumilikdə 10 dəst medal uğrunda mübarizə gedir.

Xəbər lenti

Xəbər lenti