Bakı. Hüseyn Vəliyev - Trend:
“Bakı Telefon Rabitəsi” İstehsalat Birliyinin internet və rabitə xidmətləri üzrə ödənişlərin “eManat” terminallarında həyata keçirilməsi aprelin sonunadək bərpa olunacaq.
Bu barədə Trend-ə “Modenis” şirkətindən məlumat verilib.
Məlumatda qeyd olunur ki, operatorla artıq müqavilə imzalanıb və hazırda inteqrasiya işləri aparılır.
Hazırda “Bakı Telefon Rabitəsi”nin abunə ödənişlərini “MilliÖN”, “ExpressPay” və “EasyPay” terminallarında həyata keçirmək mümkündür.