...

Qidadan zəhərlənənlərin sayı açıqlandı

Cəmiyyət Materials 17 Aprel 2017 16:10 (UTC +04:00)
Bu ilin yanvar-mart ayları ərzində Azərbaycanda 103 qida zəhərlənməsi baş verib ki, nəticədə 162 nəfər zərər çəkib, 3 nəfər ölüb.
Qidadan zəhərlənənlərin sayı açıqlandı

Bakı. İlhamə İsabalayeva - Trend:

Bu ilin yanvar-mart ayları ərzində Azərbaycanda 103 qida zəhərlənməsi baş verib ki, nəticədə 162 nəfər zərər çəkib, 3 nəfər ölüb.

Bu barədə Trend-ə Səhiyyə Nazirliyi Respublika Gigiyena və Epidemiologiya Mərkəzindən məlumat verilib.

Mərkəzdən bildirilib ki, yanvar-mart ayları ərzində 8 botulizm hadisəsi baş verib. Nəticədə 15 nəfər zəhərlənib.

Təkcə bu ilin mart ayı ərzində 36 qida zəhərlənməsi baş verib. Bu hadisələrdən 66 nəfər zərər çəkib.

Martda 1 botulizm hadisəsi baş verib ki, bundan da 1 nəfər zəhərlənib.

Qida zəhərlənmələrinin hamısı məişət şəraitində hazırlanan məhsullardan baş verib.

Qeyd edək ki, 2016-cı il ərzində Azərbaycanda 625 qida zəhərlənməsi baş verib, nəticədə 924 nəfər zəhərlənib. Ötən il 36 botulizm hadisəsi olub ki, nəticədə 55 nəfər zərər çəkib, 2 nəfər dünyasını dəyişib.

Məqalədə:
Xəbər lenti

Xəbər lenti