...

Saxta kredit kartı hazırlamaya görə cərimələr artırılıb

Cəmiyyət Materials 6 İyun 2017 07:54 (UTC +04:00)
Azərbaycanda saxta kredit kartı və ya ödəniş sənədlərini hazırlamaya görə cərimələr artırılıb.
Saxta kredit kartı hazırlamaya görə cərimələr artırılıb

Bakı. İlhamə İsabalayeva - Trend:

Azərbaycanda saxta kredit kartı və ya ödəniş sənədlərini hazırlamaya görə cərimələr artırılıb.

Trend-in məlumatına görə, bu, Cinayət Məcəlləsinə dəyişikliklərdə öz əksini tapıb. Bu dəyişikliklərə əsasən, qiymətli kağız sayılmayan saxta kredit və ya hesab kartlarını və ya başqa ödəniş sənədlərini satış məqsədi ilə hazırlama, habelə əldə etmə və ya satmaya görə 2000 manatdan 4000 manatadək (hazırda 500 manatdan 1000 manatadək) miqdarda cərimə olunmaqla iki ildən beş ilədək müddətə azadlıqdan məhrum etmə cəzası nəzərdə tutulur.

Saxta aksiz markalarını hazırlama, əldə etmə, saxlama, satma, habelə aksiz markası ilə markalanmalı olan məhsulları (malları) saxta aksiz markaları ilə markalama, fiziki şəxslər tərəfindən pərakəndə satış obyektindən istehlak məqsədi ilə əldə etmə istisna olmaqla, saxta aksiz markaları ilə markalanmış məhsulları (malları) əldə etmə, saxlama və ya satmaya görə olan cərimələrin məbləği isə 2000 manatdan 3000 manatadək (hazırda 1000 manatdan 2000 manatadək) miqdarda müəyyənləşəcək.

Cinayət Məcəlləsinə təklif edilən dəyişikliklər layihəsi Milli Məclisin mayın 31-də keçirilən plenar iclasında təsdiq edilib.

Məqalədə:
Xəbər lenti

Xəbər lenti