"Erməni Apostol kilsəsinin Dağlıq Qarabağda iki kilsə tikmək niyyəti Azərbaycanın işğal olunmuş ərazilərinin erməniləşdirilməsi siyasətinin davamından başqa bir şey deyil". Bu barədə Trend ə Qafqaz Müsəlmanları İdarəsinin mətbuat xidmətinin rəhbəri Akif Ağayev idarənin Erməni Apostol Kilsəsinin Arsax yeparxiyasının başçısı, arxiyepiskop Pargev Martirosyanın Stepanakertdə iki yeni kilsə tikmək planları haqqında bəyanatına münasibətini şərh edərkən bildirib.
"Bütün dünya bilir ki, onlar Azərbaycan ərazisidir və ermənilərin bu cəhdləri heç nə ilə nəticələnməyəcək. Onlar əvvəllər də Azərbaycan xalqının bu ərazilərdə qədimdən məskunlaşdığının subutu olan tarixi abidələri, qəbirləri dağıdırdılar", - deyə QMİ-nin nümayəndəsi qeyd edib.
"Yəni Dağlıq Qarabağda bu qədər dindar, allaha inanan adam var ki, mövcud kilsələr onlara bəs eləmir?", - deyə A.Ağayev soruşur.