Sentyabrın 5-dən 9-na kimi İstanbulda Avrasiya İslam Şurasının (AİŞ) 6-cı iclası keçiriləcək. Bu barədə Trend ə Qafqaz Müsəlmanları İdarəsinin (QMİ) mətbuat xidmətindən məlumat verilib.
Forumda QMİ-nin sədri, şeyxülislam Allahşükür Paşazadənin başçılıq edəcəyi nümayəndə heyəti iştirak edəcək. Nümayəndə heyətinin tərkibinə QMİ-nin Elmi-dini Şurasının sədri, professor Vasim Məmmədəliyev və QMİ-nin sədrinin birinci müavini, müfti Salman Musayev daxil olacaq.
Forumda iki qitənin müsəlmanlarının dini liderləri toplaşacaq və aktual məsələləri, eləcə də Avrasiya İslam Təşkilatının fəaliyyət istiqamətlərini müzakirə edəcəklər.