MDB ölkələrinin sentyabrın 24-də Bakıda keçiriləcək Spartakiada proqramına 10 idman növü daxil edilib.
Gənclər, İdman və Turizm Nazirliyinin məbuat xidmətinin rəhbəri Raqif Abbasovun Trend ə xəbər verdiyi kimi, idmançılar kəndir dartma, voleybol, üzgüçülük, stolüstü tennis, badminton, daşoynatma, atletika, dartse, stritbol və mini basketbol idman növləri üzrə mükafat qazanmaq uğrunda mübarizəyə qoşulacaqlar. Sonuncu üç idman növü proqrama ilk dəfə daxil edilir.
R.Abbasov, həmçinin, onu da qeyd edib ki, yarışlar Bakının müxtəlif idman arenalarında keçiriləcək. Spartakiadanın təntənəli açılış mərasimi isə sentyabrın 24-də İdman Sarayında olacaq.