Ali Məhkəmənin Plenumunun növbəti iclasında Bakı şəhəri, Nizami rayon Məhkəməsinin hakimi Vilayət Nadirovun şikayət ərizəsinə baxılacaq. Bu barədə Trend ə Ali Məhkəmənin mətbuat xidmətinin rəhbəri Allahverdi Nehrəmli məlumat verib.
Nizami rayon Məhkəməsinin hakimi Vilayət Nadirovun şikayəti Məhkəmə-Hüquq Şurasının onun hakimlik fəaliyyətinə xitam verilməsi ilə bağlı çıxardığı qərardandır.
Hakim qərarla razılaşmır və hesab edir ki, 5 il ərzində göstərdiyi fəaliyyətində heç bir nöqsana yol verməyib.
Plenumun parlament seçkilərdən bir neçə gün sonra keçirilməsi nəzərdə tutulub.