Azərbaycanın 2006-cı ilin Qış Oyunlarında iştirak etmək üçün əlavə vakansiya almaq cəhdləri uğursuzluqla bitir.
Milli Olimpiya Komitəsinin vitse-prezidenti Çingiz Hüseynzadənin Trend ə bildirdiyi kimi, Turində yığmamız Kristin Freyzer-İqor Lukanin rəqs cütlüyü ilə təmsil olunacaq. "Biz beynəlxalq strukturlara Elbrus İsakovun da çıxış etdiyi dağ-xizək idman növü üzrə vald kartı təqdim etməyin mümkünlüyü haqqında ərizə yazsaq da, heç bir cavab almamışıq. Buna görə də İtaliyaya yalnız fiqurçular gedəcək", - deyə Ç.Hüseynzadə qeyd edib.
Xatırladaq ki, K.Freyzer və İ.Lukanin dueti Turinə vəsiqəni 2005-ci ilin payızında Vyanada keçirilmiş lisenziyalı turnirdə çıxışlarının yekunlarına görə qazanıblar.