DzyudoAvropa Birliyi (EJU) gələn il Bakıda keçiriləcək "A" kateqoriyalı turnirin vaxtını təsdiqləyib.
Ölkə yığmasının baş məşqçisi Ağayar Axundzadənin Trend ə verdiyi məlumata görə, cədvələ görə, qitənin bütün güclü atletləri avqustun sonlarında Bakıya gələcək və tatami üzərinə ayın 26-27-də çıxacaqlar. "Belə yarışın Bakıda təşkili 2007-ci ildə keçiriləcək lisenziyalaşrılmış turnirin baş məşqi olacaq. Həm də bu dövrdə uğurlu çıxışlarına görə dzyudoçulara reytinq xalları əlavə ediləcək", - deyə baş məşqçi bildirib.
Qeyd etmək lazımdır ki, hələ ötən mövsümdə bu yarış "B" kateqoriyası statusuna malik idi. Lakin Milli Federasiyanın rəhbərliyinə turnirin dərəcəsini artırmaq nəsib oldu.