Azərbaycan Ombudsman Aparatının əməkdaşları Ədliyyə Nazirliyinin Məhkəmə Qərarları İcrası Baş İdarəsinin 6 və 7 saylı cəzaçəkmə yerlərinə baxış keçiriblər. Bu barədə Trend ə Ombudsman Aparatından məlumat verilib.
Ombudsman nümayəndələri bu müəssisələrə baxış keçirərək bu idarələrdəki məhbusların saxlanma və yaşayış şəraiti ilə tanış olublar, onlarla söhbətlər apararaq problemləri ilə maraqlanıblar. Təcridxananın məhbusların saxlandığı ayrı-ayrı korpuslarına da baxış keçirilib.
Ombudsman əməkdaşları məhbusların hüquqlarının müdafiəsi ilə bağlı vəziyyətlə tanış olublar və onlara malik olduqları hüquqlarını izah ediblər.