Sidney Olimpiadasının sərbəst güləş üzrə çempionu Namiq Abdullayevin yığmada gələcəyi onun hazırlığından asılıdır.
Milli Federasiyanın vitse-prezidenti Cavanşir Qurbanovun Trend ə verdiyi məlumata görə, idmançının komandada iştirakı ilə bağlı məsələ qaranlıqdır. "Şübhəsiz ki, beynəlxalq turnirlərdə Namiqin özünü göstərmək şansı var. Lakin onun gələcəyi öz əlindədir. İdmançının kollektivdə çıxışı onun kondisiyalarından asılıdır", - deyə C.Qurbanov qeyd edib. Vitse-prezidentin sözlərinə görə, Olimpiya çempionu məşqləri davam etdirir və yığmaya hələ də lazım ola bilər.
Xatırladaq ki, bu yaxınlarda Krasnoyarskda İvan Yarıginin xatirəsinə həsr olunmuş turnirdə N.Abdullayev məğlub olmuşdur.