...

Azərbaycan atleti Avropa Təsnifat Turnirinin rekordunu təzələyərək finala yüksəlib (FOTO)

İdman Materials 31 May 2014 11:43 (UTC +04:00)
Bakıda atletika üzrə yeniyetmələrin II Olimpiya Oyunlarına lisenziya xarakteri daşıyan Avropa Təsnifat Turnirinin ikinci günü Azərbaycan idmançıları üçün uğurla başlayıb.
Azərbaycan atleti Avropa Təsnifat Turnirinin rekordunu təzələyərək finala yüksəlib (FOTO)

Azərbaycan, Bakı, 31 may /Trend/

Bakıda atletika üzrə yeniyetmələrin II Olimpiya Oyunlarına lisenziya xarakteri daşıyan Avropa Təsnifat Turnirinin ikinci günü Azərbaycan idmançıları üçün uğurla başlayıb.

Trend-in məlumatına görə, üç təkanla tullanmada ölkəmizi təmsil edən Nazim Babayev iki cəhdin yekununda 15.81 metr göstərməklə A qrupunu 1-ci yerdə başa vurub. Bu nəticə ilə N.Babayev həm turnirin rekordunu təzələyib, həm də yarışın final mərhələsinə vəsiqə qazanıb (turnirin rekordu 15.55 metr olmaqla Bolqarıstan təmsilçisi Georgi Tsonova məxsus idi).

17 yaşı tamam olmayan N.Babayev ilk mərhələdə Rusiya idmançısı Vitaliy Pavlov, İspaniya atleti Alejandro Kedar və Ukrayna təmsilçisi Pavlo Beznitsi qabaqlayıb.

Üç təkanla tullanmada final mərhələsi sabah keçiriləcək. 12 idmançı Avropa Təsnifat Turnirinin medalları ilə yanaşı, həm də avqustda Çində keçiriləcək Yeniyetmələrin Olimpiya Oyunlarına lisenziya qazanmağa çalışacaq. İlk 7 yerin sahibi lisenziya əldə edəcək.

Məqalədə:
Xəbər lenti

Xəbər lenti