Azərbaycan, Bakı, 30 oktyabr /Trend/
FIFA Beynəlxalq Peşəkar Futbolçular Federasiyası (BPFF) və İnterpolla birlikdə danışılmış oyunlarla mübarizə üzrə kampaniyaya start verib. Trend-in TASS-a istinadən verdiyi məlumata görə, bu barədə qərar BPFF-nin Tokioda keçirilən konqresində qəbul olunub.
Kampaniyaya başlamaq üçün İnterpolun mütəxəssisləri tanınmış futbolçuların müraciətlərinin olduğu DVD-disk hazırlayıblar. Həmin futbolçular vaxtilə oyunu bilərəkdən uduzmağa görə təkliflər alıblar. Onlar arasında "Liverpul"un müdafiəçisi Kolo Ture və "Mançester Siti"nin yarımmüdafiəçisi Frenk Lempard da var.
Kampaniyanın məqsədi danışılmış oyunların törədəcəyi təhlükələr barədə futbolçuları daha çox məlumatlandırmaqdır.