Azərbaycan, Bakı, 28 noyabr /Trend/
Azərbaycan Gimnastika Federasiyası dekabrın 5-də kişi idman gimnastikası üzrə 21-ci Azərbaycan və Bakı birinciliyini keçirəcək. Trend xəbər verir ki, bu barədə Azərbaycan Gimnastika Federasiyasının məlumatında deyilir.
Yarışlarda Bakı Gimnastika Məktəbinin və Respublika Olimpiya İdman Liseyinin nümayəndələri iştirak edəcəklər. 2000-2008-ci il təvəllüdlü 23 gimnast mütləq çoxnövçülükdə medallar uğrunda mübarizə aparacaq.
Federasiya yarışın açıq keçiriləcəyini elan edir və idman həvəskarlarını bir daha Milli Gimnastika Arenasına dəvət edir. Giriş sərbəst olacaq.
Yarışların başlanması - 09:30
Keçiriləcəyi yer - Milli Gimnastika Arenasının köməkçi zalı
Ünvan: Heydər Əliyev prospekti, 108
Keçid: Metronun "Koroğlu" stansiyası