...

Sərbəst güləşçilərimiz Dağıstanda turnirdə iştirak edəcəklər

İdman Materials 30 İyun 2015 16:17 (UTC +04:00)
Sərbəst güləşçilərimiz dünyanın güləş mərkəzlərindən biri hesab edilən Dağıstanda Əli Əliyevin xatirə turnirində iştirak edəcəklər.
Sərbəst güləşçilərimiz Dağıstanda turnirdə iştirak edəcəklər

Azərbaycan, Bakı, 30 iyun /Trend, müxbir İlkin İzzət/

Sərbəst güləşçilərimiz dünyanın güləş mərkəzlərindən biri hesab edilən Dağıstanda Əli Əliyevin xatirə turnirində iştirak edəcəklər.

Azərbaycan Güləş Federasiyasından (AGF) Trend-ə verilən məlumata görə, 3-5 iyul 2015-ci il tarixdə Rusiya Federasiyası Dağıstan Respublikasının Kaspiysk şəhərində beşqat dünya çempionu Əli Əliyevin xatirəsinə həsr olunmuş sərbəst güləş üzrə ənənəvi beynəlxalq turnir keçiriləcək.

Turnirdə sərbəst güləş üzrə yığma komandamızın üzvləri iştirak edəcəklər.

Məşqçilər David Kurtsiya, Arif Abdullayev və Siracuddin Eldarovun rəhbərliyi altında böyüklərdən və gənclərdən ibarət yığma komandanın 21 üzvü turnirdə qüvvəsini sınayacaq. Turnirdə Ruslan Qasımov, Mircəlal Həsənzadə, Ruslan Surxayev, Pərviz İbrahimov (hamısı 57 kq), Əhmədnəbi Qvarzatilov, Qalib Əliyev, Cəlal Süleymanov, Ağahüseyn Mustafayev (hamısı 61 kq), Məhəmməd Müslümov, Coşqun Əzimov (hər ikisi 65 kq), Hacımurad Ömərov, Qitinomaqomed Hacıyev (hər ikisi 70 kq), Əşrəf Əliyev, Mircəfər Murtuzlu, Məhəmmədhacı Muxutov (hamısı 74 kq), Aleksandr Qostiyev, İbrahim Yusubov (hər ikisi 86 kq), Aslanbek Alborov (97 kq), Əli İsayev, Əli Maqomedabirov və Aslan Dzebişov (hamısı 125 kq) mübarizə aparacaqlar.

Görüşlərin idarə edilməsində ölkəmizi beynəlxalq dərəcəli hakim Natiq Hacıyev təmsil edəcək.

Məqalədə:
Xəbər lenti

Xəbər lenti