Azərbaycan, Bakı, 5 iyul /Trend/
"Barselona" və Argentina millisinin forvardı Leonel Messi Amerika Kuboku-2015-in ən yaxşı futbolçusu mükafatından imtina edib.
Trend-in xarici KİV-lərə isitnadən veridiyi xəbərə əsasən, bu barədə italiyalı jurnalist Tankredi Palmeri öz Twitter səhifəsində yazıb.
"İnanılmazdır. Messi Amerika Kuboku-2015-in ən yaxşı futbolçusu mükafatından imtina etdi. Ona görə ki, Dünya Çempionatı-2014-dəki kimi alçalmaq istəmədi. Bu hadisə mərasimin on dəqiqə gec başlamasına səbəb olub", - deyə Palmeri yazıb.
Xatırladaq ki, Argentina Kubokun finalında Çili millisinə oyunsonrası penaltilər seriyasında 1:4 hesabı ilə məğlub olub.
Messi turnirdə keçirdiyi altı oyunda 1 qol vurub və 3 məhsuldar ötürmə edib.