...

FIDE prezidenti: Bakı dünya şahmat həyatının episentrinə çevriləcək

İdman Materials 9 Sentyabr 2015 20:14 (UTC +04:00)
Azərbaycan peşəkar və həvəskar şahmata dəstək baxımından digər ölkələrə nümunədir.
FIDE prezidenti: Bakı dünya şahmat həyatının episentrinə çevriləcək

Azərbaycan, Bakı, 9 sentyabr /Trend/

Azərbaycan peşəkar və həvəskar şahmata dəstək baxımından digər ölkələrə nümunədir. Trend-in məlumatına görə, bunu Beynəlxalq Şahmat Federasiyasının (FIDE) prezidenti Kirsan İlyumjinov Bakıda keçiriləcək Dünya Şahmat Kubokuna həsr olunmuş mətbuat konfransında deyib.

O, qeyd edib ki, turnir onlayn yayımlanacaq: "Bu isə o deməkdir ki, on milyonlarla insanın diqqqəti Azərbaycana cəlb olunacaq. Tədbirin keçirildiyi müddətdə Bakı dünya şahmat həyatının episentrinə çevriləcək".

FIDE prezidenti vurğulayıb ki, planetin bütün güclü şahmatçıları turnirdə iştirak etmək üçün Bakıda olacaqlar.

K.İlyumjinov Bakıda Dünya Kubokunun təşkilinə görə ölkə rəhbərliyinə və Azərbaycan Şahmat Federasiyasına minnətdarlığını bildirib.

Azərbaycanı bu turnirdə Şəhriyar Məmmədyarov, Teymur Rəcəbov, Rauf Məmmədov, Qədir Hüseynov, Eltac Səfərli və Vasif Durarbəyli təmsil edəcəklər.

Məqalədə:
Xəbər lenti

Xəbər lenti