Digər oyunların nəticələri əlavə olunub (ilk xəbər saat 18:58-də yayılıb)
Bakı. Trend:
Bu gün Premyer Liqanın sonuncu - 36-cı turunun oyunları keçirilib.
Trend-in məlumatına görə, 3-cü yer uğrunda mübarizə aparan "Kəpəz" və "Qəbələ" Gəncədə qarşılaşıblar. Azərkeşlər oyunda bir qol görüblər: 76-cı dəqiqədə qonaqların heyətində Aleksey Qay fərqlənib - 1:0. Bununla da "Qəbələ" ardıcıl 3-cü dəfə ölkə çempionatının bürünc medalını qazanıb.
3-cü yerə digər namizəd "İnter" isə çempionatın 2-cisi "Zirə"ni qəbul edib. Oyunun 69-cu dəqiqəsində Abbas Hüseynov "İnter"i önə keçirib. Matçda başqa qol qeydə alınmayıb - 1:0.
Autsayderlərin qarşılaşması da maraqla qarşılanıb. "Rəvan"ın qonağı olan "Xəzər Lənkəran"ın oyunçusu Bayram Budaqov hakimin start fitindən iki dəqiqə sonra fərqlənib. 66-cı dəqiqədə İbrahim Qədirzadə fərqi artırıb.
Lakin Bakı təmsilçisi geriyə dönüş edə bilib. Əvvəlcə 76-cı dəqiqədə Yasin Həmid fərqlənib, 6 dəqiqə sonra isə Ramazan Abbasov penalti zərbəsini dəqiq yerinə yetirməklə bərabərliyi təmin edib - 2:2. Beləliklə, cənub təmsilçisi turnir cədvəlində sonuncu yeri tutub.
Çempion "Qarabağ" AZAL-ı sınağa çəkib. Oyun Ağdam təmsilçisinin 3:0 hesablı qələbəsi ilə başa çatıb.
"Sumqayıt" - "Neftçi" oyununda isə paytaxt təmsilçisi məğlub olub - 2:1.
Bununla da Premyer Liqanın 2015/2016-cı il mövsümü başa çatıb.
|
1 |
Qarabağ |
36 |
84 |
|
2 |
Zirə |
36 |
62 |
|
3 |
Qəbələ |
36 |
59 |
|
4 |
İnter |
36 |
59 |
|
5 |
Kəpəz |
36 |
56 |
|
6 |
Neftçi |
36 |
49 |
|
7 |
AZAL |
36 |
46 |
|
8 |
Sumqayıt |
36 |
39 |
|
9 |
Rəvan |
36 |
18 |
|
10 |
Xəzər Lənkəran |
36 |
15 |