...

Mövsümün rekordu və kubok tarixində 3-cü

İdman Materials 27 May 2016 18:23 (UTC +04:00)
2015/16 mövsümünün son oyunu rekordla əlamətdar olub.
Mövsümün rekordu və kubok tarixində 3-cü

Bakı. Trend:

2015/16 mövsümünün son oyunu rekordla əlamətdar olub.

Trend PFL-in saytına istinadən məlumat verir ki, Azərbaycan Kubokunun "Qarabağ"la "Neftçi" arasında final görüşü ölkəmiqyaslı yarışlarda mövsümün ən çox tamaşaçı toplayan matçı olub. Ağdam təmsilçisinin əlavə vaxtda 1:0 hesabı ilə qalib gəldiyi oyunu 23 000 azarkeş izləyib.

Bunadək başa çatan 2015/16 mövsümünün rekordu Premyer Liqada qeydə alınmışdı. Bu il fevralın 14-də Gəncədə keçirilən "Kəpəz" - "Qarabağ" görüşündə (1:2) 20 400 tamaşaçı toplaşmışdı. Tofiq Bəhramov adına Respublika stadionundakı matçda bundan 2600 azarkeş artıq olub. Başa çatan mövsümdə finaladək ən çox tamaşaçı toplayan kubok matçı isə 1/4 finala təsadüf edib. "Xəzər Lənkəran"la "Neftçi" arasındakı ilk görüşü (3:2) Lənkəran şəhər stadionunda 4500 azarkeş izləyib.

Respublika stadionundakı matçda qeydə alınan nəticə Azərbaycan Kuboku tarixinin 3-cü göstəricisidir. 2009/10 mövsümünün elə bu stadiondakı finalında "Bakı" - "Xəzər Lənkəran" qarşılaşmasını (2:1) rekord sayda - 26000 azarkeş izləmişdisə, 2010/11 mövsümünün "İnter"lə "Xəzər Lənkəran" arasında həlledici matçında (1:1, pen. 2:4) 24000 tamaşaçı toplaşmışdı.

Xəbər lenti

Xəbər lenti