Bakı. Ənvər Məmmədov - Trend:
Hesab edirəm ki, tapşırıqlarımı maksimum səviyyədə yerinə yetirdim.
Trend-in məlumatına görə, bunu jurnalistlərə macarıstanlı gimnast Aleksandra Kis deyib.
Onun sözlərinə görə, Milli Gimnastika Arenasında zalın ab-havası və Bakıdakı arenanın özü çox xoşuna gəlir: “Arena çox yaxşıdır və tribunaların, azarkeşlərin dəstəyi xoşuma gəlir. Bura tez-tez gəlmək istərdim”.
Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparır. Dünya Kubokunun son günündə ayrı-ayrı növlər üzrə finallar keçiriləcək.