Bakı. Trend:
UEFA Avropa Liqasının qrup mərhələsinin IV turu çərçivəsində keçiriləcək "Qəbələ" - "Sent-Etyen" (Fransa) oyununun biletləri satışa çıxarılıb.
Trend-in məlumatına görə, biletləri bu gün saat 15:00-dan etibarən Tofiq Bəhramov adına Respublika stadionunun ("Gənclik" metrosu yaxınlığı) və "Bakcell Arena"nın (8-ci km stadionu) kassalarından almaq olar.
Qiymətlər sektorlardan asılı olaraq, 2 və 5 manat, VİP sektorlar üçün isə 10 manatdır.
Qeyd edək ki, noyabrın 3-də "Bakcell Arena"da keçiriləcək "Qəbələ" - "Sent-Etyen" matçı saat 22:00-da başlayacaq.