Bakı. Trend:
Bu gün UEFA Avropa Liqasının qrup mərhələsi çərçivəsində V turun oyunları keçirilir.
Trend-in məlumatına görə, "Qəbələ" Bakıda "Anderlext"i qəbul edib.
10-cu dəqiqədə rəqib komanda hesabı açıb. Lakin 5 dəqiqə sonra Rikardinyo penalti zərbəsini dəqiq yerinə yetirməklə hesaba tarazlıq gətirib. 75-ci dəqiqədə isə Rikardinyo növbəti penaltidən yararlana bilməyib.
89-cu dəqiqədə "Qəbələ" azlıqda qalıb - Rəşad Eyyubov qırmızı (ikinci sarı) vərəqə alaraq meydanı tərk edib.
Son dəqiqədə isə belçikalılar iki qol vurublar - 1:3.
Beləliklə, xalsız "Qəbələ" C qrupunda 5 oyundan sonra sonuncu sıradadır.