Bakı. Trend:
İdman Araşdırmalar Mərkəzi ardıcıl 4-cü dəfə "İlin qalibləri" layihəsinin icrasına başlayıb.
Trend-in məlumatına görə, ilkin mərhələdə 8 nominasiya üzrə namizədlər müəyyənləşəcək:
1. İlin idman xadimi;
2. İlin yerli futbolçusu;
3. İlin yerli idmançısı (digər növlər üzrə);
4. İlin əcnəbi idmançısı (bütün növlər üzrə);
5. İlin komandası (futbol və digər növlər üzrə);
6. İlin baş məşqçisi (futbol və digər növlər üzrə);
7. İlin mətbuat katibi (futbol və digər növlər üzrə);
8. İlin idman jurnalisti.
Futbol nominasiyaları üzrə namizədlər dekabrın 9-da, digər növlər üzrə isə dekabrın 13-də açıqlanacaq. Bu da futbol üzrə Avropa Liqasının qrup mərhələsində son turun dekabrın 8-də, taekvondo üzrə komandalararası dünya çempionatının isə 12-13 dekabrda keçiriləcəyi ilə əlaqədardır.
Qaliblərlə yanaşı, Mərkəzin xüsusi mükafatları dekabrın sonlarında təşkil olunacaq təntənəli mərasimdə təqdim olunacaq.