Bakı. Trend:
Azərbaycan Futbol Federasiyaları Assosiasiyası 2019-cu ildə keçiriləcək UEFA Çempionlar Liqası və UEFA Avropa Liqası turnirlərinin final oyununun təşkili ilə bağlı namizədliyini irəli sürüb.
Trend-in AFFA-ya istinadən verdiyi məlumata görə, AFFA UEFA-ya müraciətində qeyd olunan turnirlərin həlledici qarşılaşmasının keçirilməsi üçün Bakı Olimpiya Stadionunu təklif edib.
Hər iki oyunun keçirilməsi üçün namizədliyi irəli sürmüş bütün stadionların siyahısı:
UEFA Çempionlar Liqası
Azərbaycan – Bakı - Bakı Olimpiya Stadionu
İspaniya – Madrid - Estadio Metropolitano
UEFA Avropa Liqası
Azərbaycan – Bakı - Bakı Olimpiya Stadionu
Gürcüstan – Tbilisi - Dinamo Arena
Almaniya – Frankfurt - Frankfurt Stadion
Almaniya – Ştutqart - Arena Stuttgart
Şotlandiya – Qlazqo - Hampden Park
İspaniya – Sevilya - Estadio Ramon Sanchez Pizjuan
Türkiyə – İstanbul - Beşiktaş Arena
UEFA-nın İcraiyyə Komitəsi hər iki turnirin final oyununun keçiriləcəyi stadionlarla bağlı qərarı bu ilin sentyabr ayında qəbul edəcək.